M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
前往天台花园
从西面的艺术公园出口漫步前往天台花园，探索M+大楼的里里外外
*如对路线有疑惑，欢迎向职员询问。
旁述：
我哋依家準備走出室外，參觀M+嘅天台花園嘞。你將會離開博物館嘅範圍。我哋建議你將呢一站留返最後，喺你準備離開嗰陣先收聽。
去三樓嘅天台花園，我哋想建議你行一條風景優美嘅路線。首先落番去地下，喺西面藝術公園出口離開，沿住建築物向左轉，直至到達一排設置咗座位嘅梯級，亦即係學舍嘅頂部。你可以先暫停錄音，等你到達再繼續收聽。
喺呢度你應該見到樓梯上面係一條長長嘅扶手電梯，而你正身處喺我哋之前介紹過嘅有蓋半戶外空間。如果你背對住M+，你嘅前方就會係藝術公園。呢度係完全開放嘅，仲可以自由穿梭西九文化區各處。扶手電梯會帶你上去天台花園，沿路嘅梯級係畀市民享用嘅地方，你可能會見到好多人坐喺度，有啲同朋友傾偈、有啲同屋企人坐喺度輕鬆吓、有啲自己一個欣賞風景。
即使仍然畀博物館包圍住，當你慢慢向上行，經過梯級，再踏上扶手電梯，你會更加感受到呢度幾咁開揚。向上望，係遼闊嘅天空；向外望，係水波盪漾嘅維港。建築物外牆覆蓋住攀藤植物；環顧四周，你亦可以透過玻璃窗一睹展廳裏面嘅百態。
隨住電梯往上移動，你會更理解M+作為一個公共機構，呢種開放嘅設計係幾咁獨特。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
