M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
旁述：
呢個究竟係一件工具定係藝術品？從唔同角度嚟睇，兩樣都係。作品由黃永砅喺1989年創作，好體現到佢當年對藝術睇法嘅轉變。深受中國古代占卦文獻《易經》影響，黃永砅好想抗衡當代崇尚自我表達嘅思潮，反而將創作交託俾命運同機遇。
沈遠：
自從[19]85年之後，佢想從個人嘅創作中退出嚟，譬如靠《易經》占卜去決定做咩。將點樣創作、幾時創作呢啲嘢交比呢啲小轉盤去決定。
沈遠係黃永砅嘅太太。佢話俾我哋知，藝術家點樣用啲小轉盤嚟決定創作形式。
例如第一個小轉盤，決定要唔要行動，即係要唔要創作。第二個轉盤呢，就決定喺咩地方行動，喺轉盤上有標示。第三個轉盤就決定幾時採取行動。然後第四個轉盤就決定用乜野創作。第五個轉盤決定佢點樣做。第六個小轉盤決定參考咩嘢去做。所以佢上面嘅標注，都用嚟喺旋轉嘅過程中決定要點做。
沈遠本身都係一位藝術家，我哋問佢同丈夫喺伴侶關係以外，會唔會以朋輩身份討論作品。
會呀，我哋每日都會傾。無論係佢做咩計劃，都會問我對計劃嘅諗法。當我有創作計劃嘅時候，我都會問佢對我個計劃嘅諗法。但係，我哋有時會改少少，有時會堅持自己嘅諗法。並唔會因為對方提出嘅任何意見而完全咁改變自己，我哋只係喺討論中加強或確定自己某啲諗法。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
