M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
旁述：
你有冇諗過當一件藝術品仲未完成，佢嘅構思已經俾人收藏咗呢？烏利．希克博士喺2000年代遇到藝術家彭禹和孫原嘅時候，就發生咗呢個情況。
烏利．希克：
事實上，我哋已經好熟，佢哋會同我分享就嚟完成嘅作品，我都成日同佢哋講我計劃緊嘅展覽，我哋會睇吓雙方嘅概念點樣夾到。呢個就係成件事嘅由來，然後佢哋向我提出咗呢個諗法。
呢個就係《老人院》點樣由幾幅畫變成蠟像，然後先喺瑞士展出，而家嚟到M+展出嘅過程。睇吓呢啲蠟像嘅面孔，你會發現佢哋好似軍事、政治同宗教領袖，甚至係哲學家。
個構思係要令佢哋睇起上嚟唔係十足十似某啲在世或已經離世嘅人，而只係相似，或者令我哋聯想到某啲人物。而雖然佢哋唔係嗰啲人物，但係令我哋諗起呢啲人，同埋嗰啲曾經非常有影響力但係而家或者好過時嘅諗法。呢一啲帶住舊思想嘅老人仍然統治住呢個世界。佢哋就好似俾人帶咗入某種老人庇護所，早就失去同現實世界嘅連繫。
藝術家仲話我知，呢個都係一種遊戲，佢哋玩緊呢一班老人家，就好似呢班老人家喺度玩緊我哋同埋呢個世界咁。
呢個二十幾年前構思嘅作品，經受時間考驗，依家仍然反映住我地身處嘅世界。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
