M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
旁述：
謝南星用咗超過半年時間，畫咗呢三幅巨型畫作，但係模糊嘅畫面令佢睇起嚟比較似錄像嘅截圖。
謝南星：
中間作為三聯畫嘅一個主體，佢主要係討論兩車相會嘅時候，有一種就嚟撞車嘅緊迫感，喺嗰一刻有一種危機感。左邊呢一幅，就係兩車交錯之後遠去嘅一個情景，然後右邊就係一個好似喺鄉村入面比較荒蕪嘅湖面。
呢個情景發生喺公路，謝南星喺車入面用錄影機拍咗段片，再喺電視機度播，跟住再用影相嘅方式影低電視機畫面，再參考嗰啲圖像，嚟畫成你面前嘅作品。
我特別迷戀低畫質嘅畫面，我覺得呢種模糊化，反而畀人嘅印象係非常接近一種失真狀態，亦都喺一種彷彿感之中。可能呢種方式引起嘅感受更加強烈。反而比起好清楚咁呈現細節，可能有一種更強烈嘅心理反射。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
