M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
立体海鱼图
伍曉銓：
呢幅名爲《立體海魚圖》嘅畫作，英文標題嘅意思係「立體主義海岸」。但係，除咗中間條魚之外，畫入面嘅其他嘢同海岸完全無關。不過，你會見到三組幾何形狀，好似靜物咁喺檯面上面排列，背景係橙色同深綠色。
幾何形狀、破碎嘅主體同埋靜物構圖係立體主義嘅標記。畢加索同法國畫家喬治．布拉克創立立體主義幾十年之後，呢個藝術運動繼續喺全球引發共鳴。呢幅係香港藝術家陳福善嘅作品。佢透過研讀藝術雜誌自學成才，詮釋咗立體主義，仲結合咗靜物畫同埋佢鍾意嘅魚缸主題。陳福善鍾情灣仔海鮮酒家嘅魚缸，佢嘅工作室亦喺嗰度附近。佢畫咗一系列異想天開嘅城市場景，同魚缸入面嘅景象互相呼應。
再睇睇呢幅抽象嘅畫作。換個角度，陳福善留返畀我哋自己去想像：究竟眼前嘅係室外海岸嘅景象，定係海洋嘅鮮味已經被帶到嚟餐桌上面呢？
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
