M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
Who对Who对Who？ （一场大屠杀的景象）
馮樂山：
你可能留意到，呢幅藤原西蒙嘅作品同呢間房另外一幅畢加索嘅畫十分相似。呢幅畫係為咗今次展覽而委約藤原創作，回應畢加索喺1951年完成嘅《朝鮮大屠殺》。喺畫入面，你會見到藤原虛構嘅卡通熊 Who the Bær。佢生活喺影像世界裏面，有無法滿足嘅慾望，想去吸收並且成為古今流行嘅圖像。
畢加索對Who the Bær嚟講一啲都唔陌生。佢多次參照呢位藝術家嘅作品。藤原想像隻熊會回應話：「當你提到藝術家，就會諗起畢加索。 」
仔細睇下藤原呢個大啲、生動啲嘅版本，你會發現其他參考咗畢加索作品嘅地方：一個哭泣嘅女人、一隻好似畢加索創作嘅和平鴿、同埋舉起緊《格爾尼卡》畫作嘅熊。藤原喺畢加索嘅經典作品裏面汲取元素，改編套用落現代。手提電話同無人機呢啲細節，唔單止暗示緊我哋身處嘅時代，亦都提醒緊我哋有份使用呢啲工具去生產同接收影像，塑造媒體嘅型態。
呢件作品評論緊圖像點傳播流通、被賦予意義同埋演變，佢邀請我哋重新反思我哋同媒體之間嘅關係。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
