M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
歡迎及簡介
馮樂山：
歡迎嚟到「香港賽馬會呈獻系列：畢加索──與亞洲對話」。
呢次嘅展覽圍繞四個主題：「天才」、「局外人」、「魔法師」同「學徒」。呢啲係我哋平時談論藝術家會提及嘅幾種角度。當你參觀展覽嘅時候，會見到畢加索點樣展現呢四種身分。同時，你仲會發現，好多包括喺亞洲創作嘅藝術家，都仲喺度思考緊同回應緊呢啲概念。
我係馮樂山。
伍曉銓：
仲有我，伍曉銓。
我哋係M+教學及詮釋助理策展人。
我哋會帶你去了解巴勃羅．畢加索，佢嘅藝術同人生故事。同時，你仲會認識到八位亞洲藝術家，佢哋嘅作品會提供新嘅方向，去理解畢加索留低嘅影響。請你掃描二維碼，或者輸入展品標籤上嘅數字嚟讀取內容。
今次展覽嘅語音導賞屬於「賽馬會社區拓展藝術教育計劃」，由香港賽馬會慈善信託基金獨家贊助。
本網站使用「Cookies」為你提供最好的網站體驗。
隨時隨地探索語音導賞資料庫，收聽策展人、創作人及受邀嘉賓的介紹，或了解相關作品或建築在視覺上的特徵。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
