M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
圣心教堂
馮樂山：
請停低欣賞吓呢幅未完成嘅畫。你會開始見到教堂嘅輪廓逐漸浮現。呢座，係巴黎蒙馬特山上嘅地標，聖心教堂。二十世紀初，蒙馬特係藝術家嘅熱門聚居地，畢加索就喺嗰時候搬去呢度。
畢加索幾乎每日都會見到呢座當時仲興建緊嘅教堂。佢開始諗點樣喺平面畫布上去呈現呢座教堂嘅所有角度。你可以睇到佢用咗幾何形狀同線條，去描繪建築物同周邊環境。留意吓圓頂、尖塔同附近嘅房屋，佢哋都以碎片形式呈現，而唔係完整嘅畫面。試想像喺教堂周圍行走，用唔同嘅角度去睇佢，呢個就係畢加索想我哋睇到呢幅畫嘅時候獲得嘅體驗。呢幅係佢早期探索立體主義嘅作品，呢種藝術風格由佢同喬治．布拉克一齊開創，將物件解構成幾何形狀同多重視點。
畢加索並未完成呢幅作品，但係佢一直珍藏呢幅畫作，直至離世。
如果想了解更多關於畢加索嘅創作突破，可以去你身後面嗰間房，睇吓入面介紹佢早期立體主義作品《亞維農的少女》嘅影片。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
