M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
海边的人像
伍曉銓：
試想像自己喺海灘漫步，望住遠處兩塊曬緊太陽嘅巨石。巨石似乎因為風吹過同海水沖刷過，變得光滑，幾乎同周圍嘅沙融為一體。但走近啲睇，你會慢慢見到交纏嘅身體部位：手、腳、胸、嘴、脷、眼，全部用引人遐想嘅姿勢扭曲埋一齊。
呢幅畫叫《海邊的人像》，係畢加索筆下嘅人體遊樂場。唔似佢其他嘅立體主義作品，呢度嘅人物互相纏繞，營造出一種感性而親密嘅場景。對畢加索嚟講，人體就好似雕塑家手上嘅柔軟黏土，可以搓圓撳扁。佢能夠將複雜嘅情感融合於抽象嘅形狀，挑戰我哋對人體描繪嘅既定觀念。
1931年夏天，畢加索喺佢位於法國蔚藍海岸嘅度假屋，創作咗呢幅畫。佢利用嗰度寬敞嘅空間，設立咗一個工作室去造大型嘅雕塑。呢一幅畫描繪緊一個虛構出嚟，喺海邊嘅巨型雕像，係繪畫同雕塑試驗之間嘅對話，展示咗畢加索對跨媒介嘅反覆思考。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
