M+ no longer supports this web browser.
M+ 不再支持此網頁瀏覽器。
M+ 不再支持此网页浏览器。
傻瓜
旁述：
呢幅畫嘅名稱係《儍瓜》，係巴勃羅．畢加索喺1959年創作嘅油彩同瓷漆布本作品，高92厘米，長約73厘米。
作品用黑色線條描繪一個坐喺地上、着得破破爛爛嘅男子，一隻手拎住支酒，一隻手拎住個平底鑊煎雙蛋。男子頭戴一頂黑色闊邊大帽，面容扭曲咁笑。佢身旁有樹，背後係灰濛偏綠嘅天空，同埋暗綠色、頂部帶白色嘅遠山。
作品約半道門咁高，畫中男子幾乎佔滿整個畫面，佢擘大雙腳，一隻腳棟高，赤腳坐喺泥地上面。佢身上嘅白色衫中間敞開，露出胸口、肚臍同下體，一邊膝頭由穿窿嘅衫腳或者褲管度凸咗出嚟。佢一隻手揸住深酒紅色嘅樽，另一隻手揸住黑色嘅圓形平底鑊。個鑊垂喺男子下體前面，遮住咗佢嘅陰莖後端同睪丸，陰莖前端就露咗出嚟。平底鑊個面向外，鑊中有兩隻太陽蛋，啲蛋嘅位置睇落似係男子嘅兩粒睪丸咁。男子面色紅潤，臉頰帶紅暈，一隻眼低一隻眼高，鼻孔朝天，嘴角兩邊向上，露出白色嘅牙齒。一頂黑色大帽壓住佢一頭散亂嘅黑色短髮，帽嘅上方似翻起嘅帽邊，而兩側嘅帽邊分別向左右外伸；帽邊有三粒黑色絨球，點綴喺帽嘅上方同兩側。
男子兩旁，有啡色樹幹同零星綠葉。佢後方有深綠色嘅遠山，山頂有幾道白色嘅筆觸，似係白雪覆蓋嘅景象。雪山上方嘅天空色調偏綠，略帶灰濛。
本网站使用「Cookies」为你提供最好的网站体验。
随时随地探索语音导赏资料库，收听策展人、创作人及受邀嘉宾的介绍，或了解相关作品或建筑在视觉上的特征。
Explore the archived audio guide content at any time and place. Listen to curators, makers, and guest speakers or learn about the key visual elements of different objects and architectural features.
